जलपाईगुडी: भारी वर्षाका कारण टिस्टा नदीको पानीको सतह बढेको छ र यसैबीच आज एक हात्ती टिस्टा नदीको बीचमा बगेको अवस्थामा फेला परेको छ। चक्रवात रामलका कारण उत्तर पूर्वी भारतमा बनेको गहिरो न्यून चापका कारण उत्तर बंगाल र सिक्किममा विगत केही दिनदेखि भारी वर्षा भइरहेको छ। हिमाली क्षेत्रमा परेको वर्षाका कारण टिष्टालगायत अन्य नदीको पानीको बहाव बढेको छ।बिहीबार जलपाईगुडी जिल्लाको गजलडोबाको टोटेगावी क्षेत्रमा टिस्टा नदीमा एउटा हात्ती असहाय अवस्थामा देखिएपछि त्यस क्षेत्रमा त्रास फैलिएको छ। सूचना पाएपछि वन विभागका अधिकारी घटनास्थल पुगेका थिए। टिस्टा नदीमा फसेका गजराजको गतिविधिलाई वन विभागले निगरानी गरिरहेको छ।