पेरिस:  स्टार फूटबलर कीलियन एम्बाप्पेको बिदाई म्याचमा पेरिस सेण्ट जर्मेन (पीएसजी)-ले लियोनलाई २-१-ले पराजित गरी फ्रेञ्च कप फूटबल टुर्नामेण्टको खिताब जित्यो। पीएसजी-बाट अन्तिम म्याच खेलिरहेका एम्बाप्पेले गोल गर्न नसके पनि उनलाई भव्य बिदाई दिइयो। क्लबसँग ७ सालको यादगार यात्राको अन्तमा उनलाई साथी खेलाड़ीहरूले भावुक बिदाई दिए। एम्बाप्पेले पीएसजीको निम्ति ३०८ वटा म्याच खेलेर रेकर्ड २५६ वटा गोल गरे का छन् अनि आउँदो सीजनमा उनी स्पेनिश क्लब रियल म्याड्रिडमा सामेल हुने प्रबल सम्भावना रहेको छ। फाइनल म्याचमा पीएसजी-बाट ओस्माने डेम्बेलेले २२औं र फेबियन रुइजले ३४औं मिनटमा गोल गरे। यसरी लियोनबाट ज्याक ओ ब्रायनले ५५औं मिनटमा एक गोल सुलाए। अर्कोतिर, पुरुषहरूले झैं लियोनको महिला टीमले पनि यूएफा महिला च्याम्पियन्स लीगको फाइनलमा बार्सिलोना विरुद्ध हारको सामना गर्नु पऱ्यो। बार्सिलोनाले आइतवार राति खेलिएको फाइनलमा लियोनलाई २-० ले पराजित गरी गत चार सत्रमा तेस्रोपल्ट खिताब जित्यो। रेकर्ड ५०,८२७ दर्शकहरू अघि बार्सिलोनाको तर्फबाट एइताना बोनमती र एलेक्सिया पुटेलासले गोल गरिन्। लियोनले सक्दो प्रयास गरे पनि गोल हासिल गर्न सकेन।