जमशेदपुर : नेपाल तर्फबाट विश्वको सर्वोच्च शिखर सगरमाथा आरोहण गर्ने काम्या कार्तिकेयन सबैभन्दा कम उमेरकी भारतीय बनेकी छन्। उनले १६ वर्षको उमेरमा यो उपलब्धि हासिल गरेकी हुन्। जमशेदपुरस्थित टाटा स्टिल एडभेन्चर फाउन्डेसन (टीएसएएफ) ले बिहीबार काम्याले आफ्ना पिता र भारतीय नौसेनाका कमाण्डर एस कार्तिकेयनसँग मिलेर सगरमाथाको चुचुरोमा पुगेको बताएको छ। यस पर्वतारोहणमा सहयोग गर्ने टीएसएएफ अधिकारीले २० मईमा बाबु र छोरीले ८ हजार ८४९ मिटर अग्लो सगरमाथाको चुचुरोमा पुगेको बताए। काम्या मुम्बईको ‘नेवी बाल विद्यालय’ मा कक्षा १२ मा अध्ययनरत छात्रा हुन्। नौसेनाले जारी गरेको विज्ञप्तिमा भनिएको छ, ‘यस सफलतासँगै काम्या विश्वको सबैभन्दा अग्लो शिखर आरोहण गर्ने विश्वकै दोस्रो कान्छी र नेपालबाट सगरमाथा आरोहण गर्ने पहिलो भारतीय आरोही बनेको छ।‘ नौसेनाले सामाजिक सञ्जाल प्लेटफर्म ‘एक्स’ मा काम्याको तस्वीर सेयर गरेको छ। काम्या प्रधानमन्त्री राष्ट्रिय बाल शक्ति पुरस्कारबाट सम्मानित भएकी छन्। यो पुरस्कार देशका बालबालिकालाई उनीहरुको असाधारण उपलब्धिको लागि दिइन्छ।