जलपाईगढी: कार्ला नदीको अवस्था पहिलेदेखि नै दयनीय छ। माछापालन विभागदेखि पर्यावरणीय संघसंस्था नदीको दयनीय अवस्थाका कारण जैविक विविधताप्रति चिन्तित छन्। यसैबीच, शुक्रबार बिहान कार्ला खोलाको समाजपारा घाट नजिकै खोलामा चिनियाँ माछा मार्ने जाल फेला परेको छ।

यो जाल आज बिहान जलपाईगढी शहरको एक सामाजिक सेवा संस्थाले बरामद गरेको हो। यो जालमा खोलाका ठूला माछासँगै सबै प्रकारका साना तथा गहिरो पानीका माछाहरु फसेको जनाइएको छ। फलस्वरूप जलीय जैविक विविधतामा क्षति पुगेको छ। माछाको प्रजाति पनि नष्ट हुनसक्छ। तर, यो जाल कसले रचेको हो भन्ने थाहा हुनसकेको छैन।

यस क्षेत्रमा यसअघि यस्ता माछा मार्ने जाल नभेटिएको बताइएको छ। वातावरणविद् संस्थाका सदस्य जयन्त करले भने, ‘हामीलाई केही समयदेखि त्यस्ता जालको सहायताले माछा मार्ने गरेको खबर आइरहेको छ। आज आएर बाहिर निकालेर मत्स्य विभागलाई जाल बुझाउने प्रबन्ध मिलाइयो। आगामी दिनमा यस्ता जालको प्रयोग नगर्नका लागि यी कुराहरुमा ध्यान दिन पनि अनुरोध छ।‘ -न्यूज एसिया