फुलबारी: सिलगढी–जलपाईगुडी राष्ट्रिय राजमार्गको फुलबारीको चुनाभटी क्षेत्रमा दुई साना मालवाहाक गाडी एकआपसमा ठोक्किँदा दुईजना घाइते भएका छन्। एउटा सानो चारचक्के गाडी फुलबारीबाट सामान बोकेर सिलगढीतर्फ गइरहेको बताइएको छ। त्यसपछि उक्त गाडी चुनभटी क्षेत्रमा सोही सडकमा अर्को साना मालसामानको गाडीसँग ठोक्किएको थियो। यस घटनामा कार्गो गाडीको अगाडिको भागमा क्षति पुगेको छ। घटनामा दुई सवारी साधनका चालक सामान्य घाइते भएका छन्। घाइते दुवैलाई उपचारपछि फुलबारीस्थित निजी अस्पतालमा पठाइएको छ। सूचना पाएलगत्तै फुलबारी राजमार्ग ट्राफिक पुलिस र एनजेपी थाना घटनास्थल पुगेका थिए। पुलिसले दुर्घटनामा परेका दुवै सवारीसाधनलाई बरामद गरी सम्पूर्ण विषयमा अनुसन्धान सुरु गरेको छ।