पेरिस: रेकर्ड १४ पल्टका फ्रेञ्च ओपन च्याम्पियन रफायल नडाल आफ्नो तयारी गर्न रोलां ग्यारो फर्किएका छन् तर उनको फर्म र फिटनेसमाथि चाहिँ प्रश्न चिन्ह रहेको छ। स्पेनका दिग्गज टेनिस खेलाड़ी नडाल आफ्ना प्रशिक्षक कार्लोस मोया र दुईजना अभ्यास जोड़ीदारसँग कोर्टमा आए। फ्रेञ्च ओपनको मुख्य स्टेडियममा ३७ वर्षीय पूर्व नम्बर एक खेलाड़ीले अभ्यास गरिरहेको हेर्न लगभग ६००० दर्शक उपस्थित थिए। लगभग डेढ़ घण्टासम्म अभ्यास गरेपछि नडालले प्रशंसकहरूलाई अटोग्राफ दिए अनि लकर रूम गए। सालको दोस्रो ग्राण्ड स्ल्याम आइतवारदेखि शुरु हुनेछ। नडाल चोटले गर्दा २०२३-मा लगभग पूरा सीजन नै खेलबाट बाहिर रहेका थिए। यसबाहेक उनी हालै इटालियन ओपनको दोस्रो राउण्डमा हुबर्ट हुरकाज विरुद्ध पराजित भएका थिए। फ्रेञ्च ओपनमा खेल्ने विषयमा उनले अहिलेसम्म कुनै स्पष्ट जानकारी दिएका छैनन्।