सिलगढी: रेलवे पुलिसले एनजेपी स्टेशनमा हकर्सहरूलाई दमन गरिरहेको आरोप लगाउँदै आईएनटीटीयुसी स्वीकृत अखिल बंगाल तृणमूल रेलवे हकर्स युनियनले सोमबार एनजेपी स्टेशनबाट र्‍यालीमार्फत आरपीएफ कार्यालय पुगेर विरोध प्रदर्शन गर्यो। लामो विरोधसँगै आज आरपीएफ अधिकारीमार्फत रेलवे अधिकृतलाई पाँच बुँदे मागसहितको ज्ञापनपत्र पनि बुझाइएको बताइएको छ।

लामो समयदेखि रेलवे पुलिसले स्टेसनका हकर्सलाई दुर्व्यवहार गर्दै आएको आरोप छ। उनीहरूलाई पक्राउ वा जरिवाना गरिने बताइएको छ। जसका कारण हकर्सहरूले समस्या भोग्दै आएका छन्, यस सम्बन्धमा आईएनटीटीयुसी न्यू जलपाईगढी शाखाका अध्यक्ष सुजय सरकारले धेरै वर्षदेखि एनजेपी स्टेशनमा हकिङ गरेर आफ्नो जीविका चलाउँदै आएको बताए। रेलवे पुलिसले यस्तो काम गरिरहेको उनको आरोप छ। उनले कारबाही गर्न माग गरेका छन्। यसैबीच, रेलवे पुलिस अधिकृत रजत कुन्दगीरले रेलवेले विशेष अभियान चलाएको बताए। उनले भने, ‘धेरै मानिसहरु अवैध रुपमा हकिङ गरिरहेका छन्। उनीविरुद्ध अभियान चलाइएको छ। यो अभियान जारी छ र अझै जारी रहनेछ। रेल यात्रुले समस्या भोग्नु नपरोस् भन्ने यस अभियानको उद्देश्य रहेको छl’