गेजिङ: क्योङ्सास्थित गेजिङ जिल्ला पञ्चायत भवनको सम्मेलन कक्षमा आज कार्यालय प्रमुख तथा सरोकारवालासँग मनसुन पूर्वतयारी तथा समन्वय बैठक सम्पन्न भएको छ। बैठकमा मुख्यतया जिल्लामा आगामी मनसुन मौसमका लागि सम्बन्धित विभागले गर्नुपर्ने सुरक्षा उपाय र अनिवार्य तयारीका बारेमा छलफल भयो। एम. भरणी कुमार, जिल्ला कलेक्टर, गेजिङ र अध्यक्ष, जिल्ला विपद व्यवस्थापन प्राधिकरण, ग्याल्सिङ, खेमराज भट्टराई, एडीसी, गेजिङ-सह-सदस्य सचिव, डीडीएमए, विजय सुब्बा, एएसपी, गेजिङ,  अजित मोहन, कमाण्डेन्ट, एसएसबी, ३६औं बटालियन, सुरत कुमार गुरुङ, एडीसी (विकास), गेजिङ,  तिरसाङ तामाङ, एसडीएम (मुख्यालय), गेजिङ, र एन बी विश्वकर्मा, एसडीएम, गेजिङ सहभागी थिए। बैठकमा स्वास्थ्य, खाद्य तथा नागरिक आपूर्ति, पीएमजीएसवाई, पावर, पीएचई, कृषि तथा बागवानी, पशुपालन तथा भेटेरिनरी सेवा विभाग, एसएसबी (यांगते) र एनएचआईडीसीएलका प्रतिनिधिहरूले प्रारम्भिक उपाय र संयन्त्रको रूपरेखा प्रस्तुत गर्दै आफ्नो प्रस्तुति दिए। डीसी भरणीले मनसुन मौसममा हुने सम्भावित नोक्सानी न्यूनीकरण गर्न समयमै योजना बनाउनुपर्नेमा जोड दिए।