नूह: हरियाणाको नूह नजिकै कुंडली-मानेसर-पलवल (केएमपी) एक्सप्रेसवेमा एक भयानक सडक दुर्घटना भएको छ। यहाँ भक्तजनले भरिएको पर्यटक बसमा आगलागी हुँदा ८ जनाको मृत्यु भएको छ भने धेरै घाइते भएका छन्। यसको भिडीयो पनि सार्वजनिक भएको छ। समाचारअनुसार घटना राति करिब २ बजेको हो। घाइतेहरुलाई अस्पतालमा भर्ना गरिएको छ। नूहका विधायक आफताब अहमदले भने, ‘यो निकै दर्दनाक, दुखद र हृदयविदारक घटना हो।‘ भक्तजनहरु वृन्दावनबाट फर्कदै थिए। बसमा आगलागी हुँदा वृद्धवृद्धा, महिला र बालबालिकासहित धेरै मानिस घाइते भएका छन्।

समाचार अनुसार बसमा ६० भन्दा बढी यात्रु सवार थिए। घाइतेहरुको उपचार जारी छ। तर, सेनालाई आगो निभाउन निकै कठिन भएको थियो। बसका झ्यालका सिसा तोडेर यात्रुलाई बाहिर निकालिएको थियो। बसमा सवार यात्रु मथुराबाट फर्कदै गर्दा यो दुर्घटना भएको हो। बसमा सवार व्यक्तिहरू एकअर्कालाई चिनेका थिए र बस भाडामा लिएको पनि बताइएको छ। बसमा आगो लाग्नेबित्तिकै त्यहाँ चर्को हल्ला भएको थियो। त्यसपछि गाउँलेहरूले आगो निभाउने प्रयास गरे तर सफल नभएपछि उनीहरूले बसको झ्यालका सिसा तोडेर मानिसहरूलाई बसबाट बाहिर निकाले। यद्यपी पुलिसले यस विषयमा अनुसन्धान थालेको र आगलागीको कारण पत्ता लगाउने काम गरिरहेको छ।