सिलगढी: गर्मीको आगमनसँगै डेंगुको प्रकोप शुरु भएको छ। यसैलाई ध्यानमा राख्दै सिलगढी नगरनिगमले निरन्तर अभियान चलाएको छ। अहिले महानगरपालिका अन्तर्गतको वार्ड कार्यालयले पनि अभियान शुरु गरेको छ। सिलगढी इन्डोर स्टेडियम नजिकै अस्थायी नम्बर ३ बरो अफिसद्वारा आज एक सचेतना शिविर आयोजना गरियो।

त्यसमा सेनेटरी इन्स्पेक्टर कौशिक मोडक र चिकित्सक डा सञ्जीव मजुमदारले डेंगुबारे जानकारी दिँदै यसबाट बच्ने उपायबारे जानकारी गराए। डा. सञ्जीव मजुमदारले कतै पानी जम्न नदिने बताए। ‘डेंगु लामखुट्टेले आफ्नो लार्भा सफा पानीमा राख्छ। त्यसैले आफ्नो घर र वरपरको क्षेत्र सफा राख्नुहोस्। सरसफाईमा ध्यान दिएमा डेंगुबाट धेरै हदसम्म बच्न सकिन्छ। घरमा पनि लामखुट्टेको जाली प्रयोग गर्नुहोस्। कसैलाई उच्च ज्वरो र बान्ता भए घरमै उपचार गर्नुको सट्टा स्वास्थ्य केन्द्रमा गएर आफैं जाँच गराउनुपर्छ’, उनले भनेl