नयाँ दिल्ली: शीर्ष महिला टेबल टेनिस खेलाड़ी मनिका बत्रा सऊदी स्म्याश टुर्नामेण्टमा असाधारण प्रदर्शनपछि करियरको सर्वश्रेष्ठ एकल ऱ्याङकिंग २४-मा पुगेकी छन् अनि वर्ल्ड ऱ्याङकिंगमा शीर्ष २५-मा स्थान बनाउने उनी भारतकी पहिलो महिला टेबल टेनिस खेलाड़ी हुन्। टुर्नामेण्ट अघि ३९औं स्थानमा रहने २८ वर्षीय खेल रत्न पुरस्कार विजेता मनिकाले जेद्दामा क्वार्टर फाइनलमा स्थान बनाएकी थिइन् अनि यस प्रदर्शनको साथ उनले ऱ्याङकिंगमा १५ स्थानको जम्प लगाएकी छन्। व्यक्तिगत र टीम श्रेणीहरूमा २०१८ कमनवेल्थ गेम्सकी स्वर्ण पदक विजेता मनिकाले सऊदी स्म्याशमा अन्तिम आठसम्मको यात्राको अवधि एकाधिक उलटफेर गरेकी थिइन्। यस अवधि उनले वर्ल्ड च्याम्पियन तथा ओलम्पिक स्वर्ण पदक विजेता चीनकी वेंग मान्युलाई पनि पराजित गरेकी थिइन्। यस टुर्नामेण्टमा कुनै भारतीय खेलाड़ी क्वार्टर फाइनलसम्म पुगेको यो पहिलोपल्ट हो। यस प्रदर्शनले मनिकालाई ३५० पोइण्ट्स प्राप्त भयो। मनिकाले बताएअनुसार, यस प्रदर्शनले जुलाईमा हुने पेरिस ओलम्पिक अघि उनको मनोबल बढ़्नेछ। उनले भनिन्, ओलम्पिक खेलहरूको ठीक अघि करियरको सर्वश्रेष्ठ ऱ्याङकिंग हासिल गरेर शीर्ष २५-मा पुग्दा मेरो तयारीहरूलाई अतिरिक्त बल प्राप्त हुनेछ। म पेरिसमा पनि यस प्रदर्शनलाई जारी राख्न चाहन्छु। ऱ्याङकिंगमा सुधार गर्ने सबैको इच्छा हुन्छ। सुधार एउटा सतत प्रक्रिया हो अनि म यसलाई लिएर प्रतिबद्ध छु। यस सफलताको निम्ति मनिकाले आफ्नो प्रशिक्षक अमन बालगु र बेलारुसका ट्रेनिंग जोड़ीदार किरिल बारबानोव प्रति पनि कृतज्ञता व्यक्त गरेकी छन्।