नयाँ दिल्ली: दिल्लीका मुख्यमन्त्री अरविन्द केजरीवालले निःशुल्क सुविधा दिने विषयमा विशेष बयान दिएका छन्। मुख्यमन्त्री केजरीवालले देशमा जनतालाई निःशुल्क सुविधा दिनेविरुद्धमा वातावरण सिर्जना भइरहेको बताएका छन्। मुख्यमन्त्री केजरीवालले यो देशमा नि:शुल्क शिक्षाको विरुद्धमा वातावरण सिर्जना भइरहेको बताएका छन्। सर्वसाधारणलाई नि:शुल्क बिजुली र पानी दिनु अपराध हो जस्तै गरी वातावरण सृजना भइरहेको उनको भनाइ छ। मुख्यमन्त्रीले अहिले ७५ वर्षदेखि रहँदै आएको कमीलाई पूरा गर्ने योजना बनाउनुपर्ने बताए।

उनले पत्रकार सम्मेलनमा भनेका थिए कि यस्तो वातावरण सिर्जना भइरहेको छ कि निःशुल्क शिक्षा, निःशुल्क बिजुली र निःशुल्क पानी दिनु अपराध हो। भाजपाको नाम नलिई केजरीवालले भने, ‘उनीहरुले केही व्यक्तिको १० लाख करोड रुपियाँको ऋण माफ गरे। कतिपय उनका साथी पनि रहेको बताइएको छ, यसबारे कसैले बोलेका छौनन्। यो सरकारले सबै कुरामा जीएसटी लगाएको छ, विश्वका ३९ देशले निःशुल्क शिक्षा दिन्छन्। १६ देशमा रोजगारी भत्ता उपलब्ध गराइन्छ र डेनमार्क, नर्वे र क्यानडामा नि:शुल्क शिक्षा प्रदान गरिन्छl’ आम आदमी पार्टीका प्रमुखले विगत केही दिनदेखि गरिब जनतालाई दिइने सुविधा बन्द गर्नुपर्ने अवस्था सिर्जना भइरहेकाले सरकारले घाटा बेहोर्नुपरेको बताए। उनले भने, ‘नि:शुल्कलाई रेवडीको नाम दिइरहेको छ,नानीहरुलाई दिने नि:शुल्क शिक्षा बन्द गरिनुपर्छ भन्ने माहोल बनाइरहेको छl