गान्तोक: देवप्रसाद राईलाई कला र चित्रकलाको क्षेत्रमा उल्लेखनीय उपलब्धिको लागि राज्यका मुख्यमन्त्री प्रेम सिंह तामाङले हार्दिक बधाई एवम शुभकामना दिएका छन्। लण्डन, बेलायतको प्रतिष्ठित होली आर्ट ग्यालरीमा आयोजित चित्रकला प्रदर्शनीको बारेमा जान्न पाउँदा आफूलाई धेरै खुशी लागेको मुख्यमन्त्री तामाङले आफ्नो फेसबुक पेज मार्फत जानकारी गराएका छन्।

उत्कृष्ट कृति, “सिक्किमको सुनौलो युग” ले असाधारण प्रतिभा मात्र प्रदर्शन गर्दैन तर सामूहिक नेतृत्वलाई हार्दिक श्रद्धाञ्जली अर्पण गरेको उनले बताएका छन्। राईले गरिबहरूको उत्थान गर्न र सिक्किमको लागि विकास पहलहरूको नेतृत्व गर्ने प्रयासहरूको चित्रण गरेका छन् जुन् साँच्चै प्रशंसनीय छ।

यस कलाकृतिले विश्वभरका दर्शकहरूलाई मोहित र प्रेरित गर्नेछ। शिल्पप्रतिको उनको अटल समर्पण र कलाको माध्यमबाट महत्त्वपूर्ण सामाजिक-राजनीतिक विषयवस्तुहरूमा प्रकाश पार्ने प्रतिबद्धताले प्रेरणाको साँचो स्रोतको रूपमा काम गर्ने उनले विश्वास व्यक्त गरेका छन्।