लोकसभा चुनाउ जिते १० गारन्टी पूरा गर्ने वाचा
नयाँ दिल्ली: आम आदमी पार्टी(आप) का संयोजक एवं दिल्लीका मुख्यमन्त्री अरविन्द केजरीवालले लोकसभा चुनाउ जिते १० गारन्टी पूरा गर्ने वाचा गरेका छन्। मुख्यमन्त्रीले बिजुली, पानी, स्वास्थ्य, शिक्षा र रोजगार दिने भने। साथै जीएसटी र अग्निवीरबाट मुक्ति दिलाउने पनि भने।
उनले पञ्जाबका मुख्यमन्त्री भगवन्त मानको साथ आइतवार पार्टी कार्यालयमा पत्रकार वार्ता गरे औं १० गारन्टीको उल्लेख गरे। पूरा देशमा २४x७ बिजुली रहने जसमा गरीबहरूलाई निःशुल्क बिजुली दिइनेछ। देशको हरेक गाउँ-मोहल्लामा विश्वस्तरीय अस्पताल र गाउँ-मोहल्लामा मोहल्ला क्लीनिक बनाएर निःशुल्क उपचार दिइनेछ। चीनद्वारा कब्जा गरिएको भारतको जमीनलाई मुक्त गराउन सेनाले पूर्ण स्वतन्त्रता दिइनेछ। अग्निवीर योजना बन्द गरेर सबै अग्निवीरहरूलाई पक्का गरिनेछ।
स्वामीनाथन आयोग अनुसार नै सबै फसलहरूमा एमएसपी निर्धारित गरी किसानहरूलाई फसलहरूको पूरा दाम दिइनेछ। दिल्लीलाई पूर्ण राज्यको दर्जा दिइनेछ। बेरोजगारी समाप्त गर्न आउँदो एक वर्षमा दुई करोड़ रोजगार दिइनेछ। भ्रष्टाचार समाप्त गर्नेछौं। जीएसटीको आतङ्क समाप्त गरिनेछ र यसलाई पीएमएलएदेखि बाहिर गरिनेछ। उनले दाबी गरे, दिल्ली र पञ्जाबमा उनको पार्टीले निःशुल्क पानी-बिजुली र उत्तम स्वास्थ्य-शिक्षाको वाचा गरेको थियो, जसलाई पार्टीले पूरा गरेको छ।
यसअघि पार्टी मुख्यालयमा केजरीवालले आफ्ना विधायकहरूसित भेट गरे। जेलबाहिर बाहिर आएपछि यो पार्टी विधायकहरूको साथ उनको पहिलो भेट थियो। नोएडामा एक पेट्रोल पम्पमा भएको झगड़ा मामिलामा छोराको साथ नामजद भएका अमानुतुल्ला खान बाहेक सबै विधायक यसमा सामेल भए।
विधायकहरूसित कुराकानीमा उनले भने, आम आदमी पार्टीले नै देशलाई उज्जवल भविष्य दिनसक्छ। आआपलाई तोड्नु र हाम्रो सरकारलाई ढाल्नु, मलाई थुनामा पारिएको थियो। यस अवधि आआपका धेरै विधायकहरू र नेताहरूसित भाजपाले सम्पर्क पनि गऱ्यो तर विधायक तोड़िएनन्। जेलमा रहँदा जनताले दवाई पाउनु बन्द त भएन भन्ने चिन्ताले सताइऱहेको थियो। कतै निःशुल्क बिजुली-पानी त बन्द भएन तर तपाई सबैले धेरै राम्रो काम गरे औं कुनैपनि षड़यन्त्रलाई सफल हुन दिएनन्। भाजपाले मलाई पक्राउ गरेर पार्टीलाई तोड्नु र सरकारलाई ढाल्न चाहन्थ्यो तर यसको विपरीत भयो। म जेल गएपछि पार्टी अझ् अधिक बलियो भयो।
About Author
