झापा: मोरङको जहदा गाउँपालिका ३ हाथिबन्दाबाट २१८ किलो १७५ ग्राम लागूऔषध गाँजासहित एकजनालाई पुलिसले पक्राउ गरेको छ ।गाँजाको ओसारपसार भइरहेको भन्ने विशेष सूचनाको आधारमा बिहीबार बिहानको राति १ बजे जिल्ला पुलिस कार्यालय मोरङबाट खटिएको पुलिस टोलीले स्थानीय २४ वर्षीय भगवान किस्कुलाई उक्त परिमाणको गाँजासहित पक्राउ गरेको हो। घटना सम्बन्धमा थप अनुसन्धान भइरहेको जिल्ला पुलिस कार्यालय मोरङले जनाएको छ।