कोलकाता: मेट्रो रेलका अधिकारीहरूले भारतीय स्टेट ब्यांक र रेलवे सूचना प्रणालीको केन्द्र (सीआरआईएस) को सहयोगमा युपीआई –आधारित टिकट प्रणालीको रूपमा आफ्ना यात्रुहरूका लागि डिजिटल भुक्तानीको नयाँ तरिका ल्याइरहेका छन्। मेट्रो रेलवे महाप्रबन्धक पी उदय कुमार रेड्डीले मंगलबार पूर्व-पश्चिम मेट्रोको सियालदह स्टेशनमा नयाँ प्रणालीको परीक्षण गरे। यो सुविधा लिनका लागि यात्रुले गन्तव्य स्टेशनको नाम उल्लेख गर्नुका साथै काउन्टरमा रहेको डुअल डिस्प्ले बोर्डमा देखाइएको क्युआर कोड स्क्यान गरी भुक्तानी गर्नुपर्नेछ। यस प्रणालीको सहयोगमा स्मार्ट कार्डलाई पनि रिचार्ज गर्न सकिन्छ। मेट्रो रेलवेका प्रिन्सिपल चीफ अपरेटिङ म्यानेजर सौमित्र विश्वासले कोलकाता मेट्रोमा यो नयाँ प्रणाली लागू गर्न प्रमुख भूमिका खेलेका छन्।