सिलगढी: प्रतिबन्धित कफ सिरप तस्करीको आरोपमा संलग्न चार जनालाई पक्राउ गरिएको छ। सिलगढीमा लागुऔषध दुर्व्यासनबाट छुटकारा पाउन सिलगढी पुलिस कमिस्नरेटका विभिन्न थाना क्षेत्रमा पुलिसले एकपछि अर्को छापा मारिरहेको छ। सोही क्रममा सोमबार दिउँसो गोप्य स्रोतबाट प्राप्त सूचनाको आधारमा खलपाडा पुलिस चौकी र विशेष अपरेशन समूहले सिलगढीको खालपाडा खलपारा क्षेत्रको विवेकानन्द रोडमा छापा मारेर दीपक चन्द्र बर्मन, मोहम्मद समीम, लतिप प्रधान र समी आलम अन्सारी नामका चार जनालाई दुई झोलासहित पक्राउ गरिएको छ। झोलामा एक सय बोतल कफ सिरप फेला परेको छ भने यसको बजार मूल्य लाखौं रुपियाँ रहेको बताइएको छ। पुलिस स्रोतका अनुसार पक्राउ परेका चारै जना सिलगढी झाङ्गर जंक्शनमा बिक्रीको लागि कार चलिरहेका थिए। उनीहरु सबैलाई मंगलबार सिलगढी अदालतमा पेश गरिनेछ। पुलिसले सम्पूर्ण घटनाको अनुसन्धान शुरु गरेको छ।