कोचबिहार: देशवासीलाई रुख रोप्ने सन्देश दिन कोचबिहारका एक युवा आज साइकलमा केदारनाथ यात्राको लागि प्रस्थान गरेका छन्। कोचबिहार जिल्लाको तुफानगञ्ज नम्बर १ ब्लकको बारकोदली नम्बर एक ग्राम पञ्चायतको हरिपुर क्षेत्रका युवा समीर दासले देशभर वृक्षारोपणको सन्देश फैलाउन साइकलमा केदारनाथ यात्रा शुरु गरेका छन्। हरिपुर निवासी समीर लामो समयदेखि केदारनाथ गएर भगवान शिवको दर्शन गर्ने सपना देखिरहेका थिए। तर आर्थिक अभावका कारण उनको सपना पूरा हुन सकेन।

एकातिर केदारनाथ गएर भगवान शिवलाई हेर्ने सपना छ, अर्कोतिर पृथ्वीलाई बचाउनको लागि अहिलेको वातावरणमा रुख रोप्न चाहन्छ, त्यसैले दुवै लक्ष्य पूरा गर्न उनी केदारनाथ यात्रामा निस्किए। साइकलमा समिरले गुगल म्यापको सहयोगमा केदारनाथ पुग्ने प्रयास गर्ने बताए। उनले ३५ दिनभित्र ११ सय ४४ किलोमिटरको दुरी पार गर्ने लक्ष्य राखेका छन्। आफ्नो भ्रमणमा एकातिर उनले आम जनतालाई वृक्षरोपणको सन्देश दिनेछन् भने अर्कोतर्फ केदारनाथबाट फर्कने क्रममा वृन्दावन, मथुरा, अयोध्यालगायत तीर्थस्थलको पनि भ्रमण गर्नेछन्। गाउँकै शिव मन्दिरमा पूजा गरेर समीरले यो अनौठो यात्रा शरु गरेका हुन्। समीर यात्रामा निस्कँदा स्थानीय गाउँले पनि उनलाई हौसला दिन जम्मा भए।