गुवाहाटी: अज्ञात समूहले शनिबार राति आसाम-मेघालय सीमामा रहेको पश्चिम कार्बी आङ्लोङ जिल्लामा एक अस्थायी पुलिस गस्ती थानामा आगजनी गरेको खबर छ। चिरिलाङ्सो, तापट क्षेत्रमा रहेको थानालाई निशाना बनाउँदा कोही पनि पुलिस उपस्थित नभएको समाचारमा जनाइएको छ। यो घटनाले स्थानीय बासिन्दामा त्रास फैलिएको छ। मेघालयका खासी र असमका कर्बी जनताबीच जारी सीमा विवादको जवाफमा पुलिस गस्ती थाना स्थापना गरिएको हो। यस क्षेत्रका दुई छिमेकी राज्यका बासिन्दाबीच यसअघि पनि झडप भइसकेको स्रोतको दाबी छ। घटनापछि उक्त क्षेत्रमा सुरक्षा व्यवस्था कडा पारिएको एक पुलिस अधिकारीले बताए।
About Author
Post Views: 13