जलपाईगढी: जलपाईगढी जिल्लाको पहारपुर क्षेत्रमा अवस्थित डम्पिङ ग्राउण्ड आगलागीका कारण पुरै क्षेत्र धुवाँले ढाकेको थियो। चारैतिर धुवाँको मुस्लोले मानिसहरु समस्यामा परेका छन्। जलपाईगढी जिल्लाको पहारपुर क्षेत्रमा रहेको डम्पिङ ग्राउण्ड वरपर धेरै मानिस बस्छन्। यो डम्पिङ ग्राउण्डमा कयौं पटक यो फोहोरमा आगो लगाइन्छ र त्यसको धुवाँको दुर्गन्ध सो क्षेत्रका बासिन्दाले बेहोर्नुपरेको छ।

त्यसैले जलपाईगढी सदर ब्लकको पहारपुर ग्राम पञ्चायत अन्तर्गत बालापारा क्षेत्रका बासिन्दाहरूले समस्या समाधान गर्न अनुरोध गरेका छन्। कहिलेकाहीँ यो समस्याको सामना गर्नुपरेको र यो फोहोरको दुर्गन्धका कारण घरमा खान र सुत्न निकै कठिन हुने गरेको साइंस एण्ड नेचर क्लबका सम्पादक राजा राउतले बताए, यसमा क्यान्सरको तत्व हुनसक्छ किनभने प्लास्टिक धेरै प्रकारका हुन्छन्, प्लास्टिक जलाउँदा विषाक्त ग्यास उत्पादन हुन्छ। जलपाईगढी नगरपालिकाका उपाध्यक्ष सैकत च्याटर्जीले भने, ‘आगो लगाउने व्यक्तिको अहिलेसम्म पहिचान हुनसकेको छैन, तर हामी आगो निभाउन बारम्बार प्रयास गरिरहेका छौँ, तर आगो पूर्ण रूपमा नियन्त्रणमा आइसकेको छैन। केही हदसम्म नियन्त्रण हुनेछ।‘ उनले यसबारे जिल्ला प्रशासनलाई पत्र लेख्ने समेत बताए।