कोलकाता: पश्चिम बंगालको राजधानी कोलकाताको राजभवनमा एक अस्थायी महिला कर्मचारीले बिहीबार राज्यपाल डा.  सी भी आनन्द बोसमाथि दुर्व्यवहार गरेको आरोप लगाउँदै पुलिसमा लिखित उजुरी दिएकी छिन्। पुलिस स्रोतहरूका अनुसार बिहीबार दिउँसो राजभवनमा शान्ति कक्षामा संलग्न अस्थायी कर्मचारी भएको दाबी गर्ने एक महिलाले गभर्नर हाउस भित्र रहेको पुलिस चौकीका इन्चार्जलाई सम्पर्क गरिन्, र राज्यपाल आनन्द बोसले उनलाई दुर्व्यवहार गरेको आरोप लगाइन्। अधिकारीले तुरुन्तै स्थानीय हेयर स्ट्रीट पुलिस चौकीमा सम्पर्क गरे, जसको मुनि राजभवन पर्दछ, त्यसपछि पुलिस गभर्नर हाउस पुग्यो।

महिलालाई पछि राजभवनबाट हेयर स्ट्रीट पुलिस चौकीमा लगियो, जहाँ उनले राज्यपाललाई स्थायी जागिर दिने नाममा ‘दुर्व्यवहार’ गरेको आरोप लगाउँदै लिखित उजुरी दिइन्l बिहीबार राति राज्यपाल बोसले आरोपको खण्डन गर्दै सत्तारुढ दलले चुनावी फाइदा उठाउने प्रयास गरेको भनेका छन्। ‘सत्यको जित हुनेछ’, राज्यपालको कार्यालयले बिहीबार राति जारी गरेको संक्षिप्त विज्ञप्तिमा भनिएको छ। ‘म इन्जिनियर्ड गरिएको कथासँग डराउँदैन। यदि कसैले मलाई बदनाम गरेर चुनावी फाइदा उठाउन चाहन्छ भने भगवानले कल्याण गरून्। तर बंगालमा भ्रष्टाचार र हिंसा विरुद्धको मेरो लडाइलाई उनीहरूले रोक्न सक्दैनन्’, उनले भनेका छन्l यस विषयमा प्रतिक्रिया दिँदै पश्चिम बंगाल विधानसभामा विपक्षी दलका नेता सुभेन्दु अधिकारीले आरोप साँचो हो वा कुनै षड्यन्त्रको अंश हो भन्नेबारेमा छानबिन गर्नुपर्ने बताए। ‘कोलकाता उच्च अदालतको आदेशपछि सरकारी विद्यालयहरूमा लगभग २६ हजार मानिसहरूले आफ्नो नोकरी गुमाएका छन्’, अधिकारीले भने, ‘सन्देशखाली घटनालाई लिएर तृणमूल कांग्रेस घेराबन्दीमा छ। यो आरोप लोकसभा चुनावसँग सम्बन्धित कुनै षड्यन्त्रको अंश हो कि होइन, हेर्न बाँकी नै छ। यदि आरोप साँचो हो भने, केन्द्र सरकारले पक्कै पनि यो मुद्दा हेर्नेछ।‘