सिलगढी: सिलगढी पुलिसले चोरीको टोटोको खरिद बिक्री गर्नेलाई पर्दाफाश गरेको छ। साथै यस र्‍याकेटमा संलग्न जम्मा चार जना पक्राउ परेका छन्। पुलिस स्रोतका अनुसार २१ अप्रेलमा डबग्राम क्षेत्रको एक घरबाट टोटो चोरी भएको थियो। यस सम्बन्धमा २२ तारिख सिलगढी पुलिस चौकीमा उजुरी दर्ता भएको थियो। अनुसन्धानका क्रममा पुलिसले सुजित साह, विशाल सरकार, ग्यारेज सञ्चालक सुभाष मालाकार र टोटो चोर विवेक दासलाई पक्राउ गरेको छ। घटनाको अनुसन्धान गर्दै गर्दा पुलिसले एक महिला चोरीको टोटोसहित देखेको सूचना पाएको थियो। लगत्तै पुलिसले ती महिला र टोटोलाई पक्राउ गरी पुलिस चौकीमा ल्यायो। महिलासँग सोधपुछ गरेपछि सिलगढी थानाको ह्वाइट कलर पुलिसले थाहा पायो कि उनले सिलगढी पूर्वी बाइपास इलाकाको एक शोरुमबाट टोटो किनेको र बिल पनि देखाएको थियो। यसपछि सिलगढी थानाको पुलिस सादा लुगा लगाएर शोरुममा पुगेर अनुसन्धान गर्दा सोरुममा काम गर्ने सुजित साहले नरेश मोडस्थित ग्यारेजका मालिक सुभाष मालाकारबाट चोरीको टोटो किनेको पत्ता लागेको थियो। उनी शोरुममा १४ हजार ५ सय रुपियाँ लिएर आएका थिए भने प्रबन्धक विशाल सरकारले चोरीको टोटो ५५ हजार रुपियाँमा बेचेका थिए। अनुसन्धानका क्रममा विवेक दास नामका चोरले गत २१ तारिख डबग्राम क्षेत्रबाट टोटो चोरेर सुभाष मालाकारको ग्यारेजमा बिक्रीका लागि राखेको पनि पुलिसले पत्ता लगाएको थियो। हाल सिलगढी पुलिस स्टेशनले टोटो चोरी प्रकरणमा शोरुम म्यानेजर सहित चार जनालाई पक्राउ गरी अनुसन्धान अगाडि बढाएको छ।