मुम्बई: अजय देवगन तीन दशकभन्दा बढी समयदेखि फिल्म उद्योगमा छन्। आज पनि फ्यानहरूमा अजयको अचम्मको क्रेज छ। निर्देशक र निर्मातामा उनको ठूलो माग छ। यो वर्ष पनि अजयका दुई फिल्म रिलिज भएका छन्। आर माधवनको फिल्म ‘शैतान’ले बक्स अफिसमा उल्लेखनीय सफलता हासिल गरेको थियो। तर, ११ अप्रेल इदमा ‘मैदान’ रिलिज भयो। अब अजयको अर्को फिल्म ‘अरों मे कहाँ दम था’ को बारेमा पछिल्लो अपडेट आएको छ। समाचारअनुसार, फिल्मले नयाँ रिलिज मिति तय गरेको छ। यसअघि यो फिल्म अप्रेलमा रिलिज हुने तय भएपनि अब जुलाई ५ मा हलमा रिलिज हुँदैछ। निर्देशक नीरज पाण्डेको यो फिल्ममा अजयसँग तब्बु मुख्य भूमिकामा छिन्। दुवैले ‘विजयपथ’, ‘हकीकत’, ‘तक्षक’, ‘फितूर’, ‘दृश्यम’, ‘गोलमाल अगेन’, ‘दे दे प्यार दे’, ‘दृश्यम २’ र ‘भोला’ जस्ता धेरै फिल्ममा सँगै काम गरेका छन्। यो २००० र  २०२३ को बीचमा सेट गरिएको एक महाकाव्य संगीतमय रोमान्टिक ड्रामा फिल्म हो। फिल्ममा जिम्मी शेरगिल, साई मांजरेकर र शान्तनु महेश्वरी पनि छन्। यो चलचित्र एक अनौठो सांगीतिक प्रेमकथा हो जसमा महाकाव्य ट्विस्ट छ। यो धेरै भाषाहरूमा रिलीज हुनेछ। चलचित्रको मौलिक साउन्डट्र्याक संगीत निर्देशक एमएम क्रिमले कम्पोज गरेका हुन्। फिल्मलाई शीतल भाटिया, नरेन्द्र हिरावत र कुमार मंगत पाठक (पानोरमा स्टुडियो)ले निर्माण गरेका हुन्।