सिलगढी: टिस्टानहरको गेटबाट एक व्यक्तिको शव फेला परेपछि फणसिदेवा क्षेत्रमा सनसनी मच्चिएको छ। सिलगढी नगरपालिका अन्तर्गत फणसीदेवा ब्लकको जलाल निजाम तारा क्षेत्रमा रहेको टिस्टा नहरको गेटमा आज एक व्यक्तिको शव स्थानीय बासिन्दाले देखे। त्यसपछि तुरुन्तै फाँसीदेवा पुलिस चौकीलाई खबर गरियो। पुलिसले आएर मृतकलाई नहरबाट निकाल्यो। मृत्यु हुनेको नाम महेश चौधरी फुलबारी निवासी भएको खुलेको छ। २५ तारीख दिउँसो खाना खाएर एक्कासी घरबाट निस्किएर बेपत्ता भएका थिए। परिवारका सदस्यले धेरै खोजी गर्दा पनि फेला नपरेपछि एनजेपी पुलिस चौकीमा बेपत्ता भएको लिखित उजुरी परेको थियो। पुलिसले खोजी गरिरहेको क्रममा आज शव फेला परेको छ। शव फेला परेपछि पुलिस प्रशासनले मृतकका परिवारलाई सम्पर्क गरेको थियो। त्यसपछि परिवारका सदस्यले शव पहिचान गरे। शव बरामद गरी पोस्टमार्टमका लागि उत्तर बंगाल मेडिकल कलेज अस्पतालमा पठाइएको छ। यो आत्महत्या हो कि हत्या हो, यसबारे फणसीदेवा प्रहरी चौकीले अनुसन्धान गरिरहेको छ।