कोलकाता: मुख्यमन्त्री ममता ब्यानर्जी शनिबार चुनाव प्रचारका लागि दुर्गापुरबाट आसनसोल जाने क्रममा हेलिकप्टरमा चढ्नेबित्तिकै उनको खुट्टा चिप्लिंदा खुट्टामा चोट लागेको छ। यस वर्षको जनवरीमा उनी सडक दुर्घटनामा घाइते भएकी थिइन्। उनी सरकारी कार्यक्रमबाट फर्किएकी थिइन्। यसै क्रममा कुहिरोका कारण उनका चालकले अचानक ब्रेक लगाए र उनको टाउको ठोक्कियो। जसका कारण उनी घाइते भएकी थिइन्। तीन वर्षअघि विधानसभा चुनावको बेला पनि यस्तै घटना भएको थियो। उनी आफ्नो निर्वाचन क्षेत्र नन्दीग्राममा थिइन्। त्यहाँ चोटका कारण उनको खुट्टा फ्र्याक्चर भएको थियो। जसका कारण उनले पूरै चुनावमा ह्वील चेयरमा बसेर प्रचारप्रसार गरेकी थिइन्। शनिबार पश्चिम वर्धमानको दुर्गापुरमा हेलिकप्टरमा चढ्ने क्रममा मुख्यमन्त्री ममता ब्यानर्जी चिप्लिएर लडिन्। उनलाई सामान्य चोट लाग्यो र सुरक्षाकर्मीहरूले सहयोग गरे। यसपछि उनी अर्को यात्रामा निस्किन्।