कोलकाता: देशको लोकतान्त्रिक संरचनालाई सशक्त बनाउने प्रतिबद्धताका साथ भारतको अग्रणी म्युट एप ऱ्यापिडो, राष्ट्रप्रतिको आफ्नो कर्तव्य पूरा गर्दै, ‘राइडर रेस्पोंसिबिलटी’  पहल शुरु गरेको छ। ऱ्यापिडोले पश्चिम बंगाल राज्य निर्वाचन आयोगसँगको सहकार्यमा भारतीय आम निर्वाचन २०२४ को समयमा नागरिकको सहभागितामा भूमिका खेल्ने भएको छ। यस ऐतिहासिक पहल अन्तर्गत, ऱ्यापिडो ले पश्चिम बंगालका प्रमुख शहरहरू सिलगढी, दुर्गापुर, आसनसोल र कोलकाताका मतदाताहरूलाई नि:शुल्क बाइक ट्याक्सी प्रदान गर्ने एक प्रेस विज्ञप्तिमा बताएको छ।

यी प्रयासहरू १०० भन्दा बढी शहरहरूमा चुनावको दिनमा नि:शुल्क सवारी उपलब्ध गराउन १० लाख क्याप्टेनहरूलाई संलग्न गराउने ऱ्यापिडो को राष्ट्रव्यापी अभियानसँग मिल्दोजुल्दो रहेको छ। रापिडोका सह-संस्थापक पवन गुन्टुपल्लीले भने, ‘यस पहल मार्फत हामी सिलगढी, दुर्गापुर, आसनसोल र कोलकाताका प्रत्येक मतदाताले भारतीय आम चुनाव २०२४ को समयमा आफ्नो मतदानको कर्तव्य सफलतापूर्वक पूरा गरेको सुनिश्चित गर्न चाहन्छौं। यी निःशुल्क सवारीहरू उपलब्ध गराएर हामीले लोकतन्त्रको प्रवर्द्धन गरिरहेका छौं। पश्चिम बंगालमा हाम्रा ऱ्यापिडो कप्तानहरू चालक मात्र होइनन्; तिनीहरू नागरिक सहभागिताका दूतहरू हुन्, जसले विश्वको सबैभन्दा ठूलो लोकतन्त्रको निर्वाचन प्रणालीमा बढी मतदाताको सहभागितालाई सक्षम बनाउन योगदान पुर्‍याउँछ।‘