अलिपुरद्वार: उच्च अदालतको निर्णयद्वारा नोकरी खारेज गरिएको भन्दै निखिल बङ्ग शिक्षक संघ मंगलबार सडकमा उत्रिएको छ। साथै संस्थाले योग्य उम्मेदवारलाई वञ्चित नगर्न माग गर्दै र्‍याली निकालेर जिल्ला विद्यालय निरीक्षकलाई ज्ञापनपत्र बुझायो। ज्ञापनपत्रमार्फत योग्य उम्मेदवारहरूलाई वञ्चित नगर्न माग गरिएको छ। संगठनका जिल्ला सचिव जयन्त साहले यस घटनामा मुख्यमन्त्रीलाई पक्राउ गर्न माग गरेका छन्। उनले घूस दिने तृणमूल नेताहरुलाई पक्राउ गर्न पनि माग गरेका छन्। उनले भने, ‘मुख्यमन्त्री ममता ब्यानर्जीले यो भ्रष्टाचारको जिम्मेवारी लिनुपर्छ, पैसा लिनेहरूको सूची बनाउनुपर्छ र उनीहरूलाई पक्राउ गर्नुपर्छ। योग्यता र योग्यताका आधारमा नोकरी पाएकालाई पुनः नियुक्ति गर्नुपर्छ।‘  उनले अवैध भर्ती गर्नेलाई पक्राउ गर्नुका साथै राज्यका विपक्षी दलका नेता सुभेन्दु अधिकारीलाई पनि पक्राउ गर्न माग गरे।