गान्तोक: प्रेस क्लब अफ सिक्किमको कार्याकारी समितिको एक सभा आज सम्पन्न भयो, जसमा पुरनो समितिले नयाँ समितिलाई हस्तान्तरण गर्ने कार्यक्रम सम्पन्न भयो। पुरानो समितिले नयाँ समितिलाई हस्तान्तरण गर्ने कार्यक्रम नयाँ समितिका अध्यक्ष भीम रावत र पूर्व अध्यक्ष शेखर खवासको उपस्थितिमा सम्पन्न भएको प्रचार सविच पंकज ढुङगेलद्वारा जारी एक विज्ञ्पतिमा उल्लेख गरिएको छ। यस अवसरमा पूर्व कोषाध्याक्ष अम्बर गुरूङले वर्ष २०२२-२४ सम्मको खर्चबारे बारे जानकारी गराए। पूर्वअध्यक्ष शेखर खवासले भने, “कार्यसमितिको रूपमा हाम्रो अनुभव कम थियो, तर हामीले आफ्नो तर्फबाट आफ्नो जिम्मेवारी पूरा गरेका छौं, यसपटक नयाँ कार्यसमितिमा अनुभवी र उत्साही सदस्यहरू छन्, आवश्यक परेमा हामी सिक्किमको प्रेस क्लबलाई सहयोग गर्न सँधै सदस्यकोरूपमा उपस्थित छौं।”

सोही प्रकारले वर्तमान अध्यक्ष भीम रावतले प्रेस क्लब अफ सिक्किम र सदस्यहरूको हितका साथै पत्रकारको गरिमा कायम राख्ने नयाँ कार्यकारिणी समितिको कर्तव्यमा जोड दिए। उनले भने, “विगतको समितिले सन्तोषजनक काम गरेको छ। पीसीएसको आर्थिक सम्बन्धी कागजात हस्तान्तरण भइसकेको छ। आवश्यक परेका पत्रकारलाई सहयोग गर्नका साथै पीसीएसको वार्षिक कार्यक्रम पनि सम्पन्न गरिने जानकारी गराए।” अध्यक्ष रावतले संस्थामा दर्ता भएका सबै १४४ सदस्यहरूको स्वामित्व लिएकोमा जोड दिए। “हामीलाई मद्दत गर्न अनुभवी व्यक्तिहरू चाहिन्छ। कार्यकारी समितिले प्रेस क्लब अफ सिक्किमको एकताको आवश्यकतामा दबाब दिन्छ। टोलीको कामले फरक नतिजा दिन्छ। सक्रिय सहभागिता हुनुपर्दछ। सदस्य र कार्यकारिणी सदस्यहरू बीचको भिन्नता देख्न नपरोस्। क्लब तर्फ काम गर्नुहोस्, “रावतले भने।

नवगठित कार्यकारिणी समितिको बैठकमा सिक्किमको प्रेस क्लबको दर्ता नवीकरण गर्ने निर्णय गरियो। खेलकुद सचिव विष्णु न्यौपानेले राज्य कानून विभागमा आवश्यक प्रक्रिया र कागजात पेस गर्दै दर्ता नवीकरणको जिम्मेवारी लिए।