मुम्बई: अभिनेता रणवीर सिंह अहिले आफ्नो एउटा भिडियोका कारण चर्चामा छन्। लोकसभा चुनावका क्रममा रणवीरको यस्तो एउटा भिडियो सामाजिक सञ्जालमा भाइरल भयो, जसपछि उनी रिसाए। भिडियोमा रणवीरलाई देशका प्रधानमन्त्री नरेन्द्र मोदीविरुद्ध बोलेको देख्न सकिन्छ। रणवीरले मुद्रास्फीति र बढ्दो बेरोजगारीलाई लिएर प्रधानमन्त्री मोदीलाई निशाना बनाएको देखिन्छ। यद्यपि रणवीरले यस्तो केही भनेनन्, बरु यो भिडियो एआई (आर्टिफिसियल इन्टेलिजेन्स)को सहयोगमा बनाइएको हो। अब रणवीरले यो नक्कली भिडियो मामिलामा कानुनी कारबाही गरेका छन्। रणवीरले एफआईआर दर्ता गरेका छन्। रणवीरको टोलीले यो खबरको पुष्टि गरेको छ। यस विषयमा रणवीरका प्रवक्ताले भने, ‘हामीले पुलिसमा उजुरी दर्ता गरेका छौं, र एआईको सहयोगमा बनाइएको रणवीर सिंहको डिपफेक भिडियोको प्रचार भइरहेको ह्यान्डल विरुद्ध एफआईआर दर्ता गरिएको छ।‘ १९ अप्रेलमा, रणवीरले सामाजिक संजालमा एक पोस्ट सेयर गरेका थिए जसमा मानिसहरूलाई त्यस्ता भिडियोहरूबाट बच्न सल्लाह दिएका थिए। उनले आफ्नो एक्स ह्यान्डलमा लेखे, ‘साथीहरू, डीपफेकहरूबाट टाढा रहनुहोस्।‘ रणवीर भन्दा पहिले आलिया भट्ट, कट्रिना कैफ, काजोल, रश्मिका मन्दाना, नोरा फतेही लगायत धेरै स्टारहरु पनि यो डीपफेक ट्रेन्डको शिकार भएका छन्।