सिलगढी: लामो कानुनी लडाइपछि सिलगढीकी अनामिका रोयले फेरि नोकरी गुमाइन्। अनामिका रोय र प्रियंका साओले मुद्दा चलाएर नोकरी पाएकाले अनामिका रोयले नोकरी गुमाए पनि पैसा फिर्ता गर्नु नपर्ने भएको छ। आज अनामिकाले भनिन्, ‘मुद्दा लामो समयदेखि चलिरहेको थियो। मलाई न्याय प्रणालीमा विश्वास थियो। तर अकल्पनीय निर्णय आयो। आज २४ हजार उम्मेदवार केही अयोग्य व्यक्तिको कारणले नोकरीबाट बर्खास्त भएका छन्।‘ कोलकाता उच्च अदालतको डिभिजन बेन्चले सोमबार बंगालको शिक्षक भर्ती घोटालामा आफ्नो फैसला सुनाउँदै २०१६ को सम्पूर्ण प्यानल रद्द गर्न निर्देशन दिएको छ। उच्च अदालतले विद्यालय सेवा आयोगले कक्षा ९, १०, ११ र १२ मा समूह ‘सी’ र ‘सी’मा गरेको सबै नियुक्तिलाई गैरकानुनी ठहर गर्दै २३ हजार ७ सय ५३ जनाको नोकरी खारेज गर्न निर्देशन दिएको छ। यी व्यक्तिहरुले चार हप्ताभित्र १२ प्रतिशत ब्याजसहित सम्पूर्ण तलब फिर्ता गर्नुपर्नेछ। अदालतले जिल्ला प्रशासन कार्यालयलाई ६ साताभित्र यी व्यक्तिबाट रकम असुल्न निर्देशन दिएको छ।