अर्धसैनिक बलको सुरक्षामा ईभीएमहरू

जलपाईगुडी: लोकसभा चुनावको लागि जारी रहेको प्रचारप्रसार र मतदानको तयारी अहिले रोकिएको छ। लोकसभा चुनावको पहिलो चरण हिजो साँझ ६ बजे सकिएको छ। जलपाईगुडी लोकसभाका १२ उम्मेदवारको भाग्य अब स्ट्रंग रुममा बन्द भएको छ। जलपाईगुडी लोकसभा चुनावमा कसको भाग्य चम्किन्छ जान्नको लागि हामीले ४ जुनसम्म कुर्नु पर्ने हुन्छ। केही छिटपुट घटना बाहेक लोकसभा चुनावको पहिलो चरण शान्तिपूर्ण रुपमा सम्पन्न भएको छ। अहिले इभिएम अर्धसैनिक सुरक्षा बलहरूले घेरिएको स्ट्रङ्ग रुममा छ। उत्तर प्रदेश विश्वविद्यालयको जलपाईगुडी क्याम्पसमा एउटा स्ट्रङ्ग रुम बनाइएको छ, इभिएमहरू केन्द्रीय बल र राज्य पुलिसको सुरक्षामा राखिएको छ। जहाँ आज बिहान सबै दलका एजेन्ट र उम्मेदवारहरु स्ट्रङरुम पुगेका थिए। उनको उपस्थितिमा ईभीएम सिल गरिएको थियो।