कोचबिहार: कोचबिहार जिल्लामा मतदान शुरु हुने बित्तिकै धेरै ठाउँबाट अशान्तिको खबरहरू आइरहेका छन्। तृणमूलको अस्थायी चुनावी कार्यालयमा आगजनी गरेको आरोप बीजेपीमाथि लागेको छ। यो घटना तुफानगञ्ज–२ नम्बर ब्लकको बरोकोदली नम्बर १ ग्राम पञ्चायतको हरिरहाट क्षेत्रमा भएको हो। गत पञ्चायत चुनावमा भाजपाले एकल बहुमत प्राप्त गर्दै बडोकोदली नम्बर एक ग्राम पञ्चायत कब्जा गरेको थियो। आज भाजपाले तृणमूलको अस्थायी कार्यालयमा आगजनी गरेको आरोप लागेको छ। अर्कोतर्फ घटनाको खबर पाएलगत्तै बक्सिरहाट थानाको प्रहरी घटनास्थलमा पुगेको छ। तर, यस विषयमा भाजपाबाट कुनै प्रतिक्रिया आएको छैन।