इस्लामपुर: लोकसभा चुनाव अघि कांग्रेसका करिब पाँच सय परिवार तृणमूल कांग्रेसमा सामेल भएको दाबी गरिएको छ। बिहीबार दिउँसो इस्लामपुर ब्लकको अलिगञ्ज क्षेत्रमा तृणमूलको बैठक आयोजना गरिएको थियो। यो बैठकमा कांग्रेसका करिब पाँच सय परिवार तृणमूल कांग्रेसमा सामेल भएको दाबी गरिएको छ। तृणमूल नेता जावेद अख्तर र तृणमूल क्षेत्रीय अध्यक्ष मोहम्मद हुड्डाले सहभागीहरूलाई तृणमूल पार्टीको झण्डा दिए। उही समयमा पार्टीमा प्रवेश गरेका कांग्रेस नेता मोहम्मद राजीवले कांग्रेसका केही वरिष्ठ नेताहरू भाजपासँग मिलेर काम गरिरहेको आरोप लगाए। यसबारे जानकारी पाएपछि आफू आज कांग्रेस छोडेर तृणमूल कांग्रेसमा प्रवेश गरेको उनले बताए।
About Author
Post Views: 18