अहमदाबाद: भारतीय अन्तरिक्ष अनुसन्धान संगठन (इसरो) का अध्यक्ष एस. सोमनाथले बुधबार भने, ‘जबसम्म देशको एक अन्तरिक्ष यात्री चन्द्रमामा अवतरण गर्दैन तबसम्म इसरोले आफ्नो चन्द्रयान शृङ्खला जारी राख्नेछ।‘ अन्तरिक्ष एजेन्सीको चन्द्रयान-३ अन्तरिक्ष यानले गत वर्ष अगस्तमा चन्द्रमाको दक्षिणी ध्रुवमा ‘सफ्ट ल्यान्डिङ’ गरेको थियो र यससँगै भारत यो उपलब्धि हासिल गर्ने पहिलो देश बनेको छ। एस सोमनाथले यहाँ आयोजित एक कार्यक्रममा पत्रकारहरूसँग भने, ‘चन्द्रयान–३ ले धेरै राम्रो काम गरेको छ। तथ्यांक संकलन भइसकेको छ, र वैज्ञानिक प्रकाशन शुरु भएको छl अब हामी चन्द्रयान शृंखलालाई भारतीय चन्द्रमामा अवतरण नगरेसम्म जारी राख्न चाहन्छौँ। त्यो भन्दा पहिले हामीले त्यहाँ जाने र फर्कने जस्ता धेरै प्रविधिहरूमा विशेषज्ञता हासिल गर्नुपर्नेछ। हामी अर्को मिशनमा यो गर्न कोशिश गर्दैछौं।‘ उनी ‘एस्ट्रोनोटिकल सोसाइटी अफ इण्डिया’ले आयोजना गरेको कार्यक्रममा प्रमुख अतिथिको रुपमा अहमदाबाद आएका थिए। देशको पहिलो मानव अन्तरिक्ष उडान मिशन- गगनयानको बारेमा एस सोमनाथले भने, ‘इसरोले यस वर्ष मानवरहित मिशन, एक परीक्षण वाहन मिशन र ‘एयरड्रप’ परीक्षण गर्नेछ। एयरड्रप टेस्ट २४ अप्रेलमा हुनेछ। अर्को वर्ष त्यहाँ दुई मानवरहित मिशन हुनेछन्, र यदि सबै ठीक भयो भने, अर्को वर्षको अन्त्यसम्म मानवरहित मिशन हुनेछ।‘