कांकेर (छत्तीगढ): कांकेरमा सुरक्षा बल र नक्सलवादीबीच भिडन्त २९ नक्सलवादी मारिएको बताइएको छ। संचारमाध्यमको समाचारअनुसार, दुई सैनिक घाइते भएको जानकारी प्राप्त भएको छ। घाइते सैनिकलाई जंगलबाट उद्धार गर्न थप सेना परिचालन गरिएको छ। एसपी कल्याण एलिसेलले यो सम्पूर्ण मामिलाको जानकारी दिएका छन्। नक्सल विरोधी अभियानमा निस्केका सिपाहीहरूसँग नक्सलवादीहरूको भिडन्त भएको थियो। कांकेरका पुलिस अधिकारी भिडन्त भएको पुष्टि गरेको संचारमाध्यमको समाचार उल्लेख छ। संचारमाध्यमको समाचारअनुसार, शीर्ष नक्सल कमाण्डर शंकर राव मारिएका छन्। शंकर रावमाथि  २५ लाख रुपियाँ पुरस्कार थियो। भिडन्तमा ४ एके ४७ राइफलसहित ठूलो परिमाणमा हतियार बरामद गरिएको छ। भिडन्तमा एक बीएसएफ इन्स्पेक्टर सहित तीन सैनिक घाइते भएको समाचार छ। तीमध्ये दुई जना डीआरजी कर्मचारी रहेको बताइएको छ। घाइते सैनिकलाई ल्याउन हेलिकप्टर पठाइएको छ। दोस्रो चरणमा, कांकेरमा २६ अप्रेलमा लोकसभा चुनाव हुँदैछ। यसअघि पनि यो ठूलो भिडन्त भएको थियो। छत्तीसगढसहित पुरै देशमा लोकसभा चुनावको लहर चलिरहेको छ। पहिलो चरणको मतदान १९ अप्रेलमा हुने भएको छ। यस्तो अवस्थामा चुनावअघि छत्तीसगढमा सुरक्षा बलले नक्सल विरोधी अभियानलाई तीब्र बनाएको छ।