कोलकाता: मुख्यमन्त्री ममता ब्यानर्जीले मंगलबार छिमेकी राज्य ओडिशामा भएको बस दुर्घटनालाई लिएर शोक प्रकट गरिन्l उनको सरकारले दुर्घटनाबाट प्रभावितहरूलाई सहयोग गर्ने बताइन्। उनले दुर्घटनामा ज्यान गुमाएका पश्चिम बङ्गालका मानिसहरूका परिवार र घाइतेलाई नियमानुसार क्षतिपूर्ति दिने घोषणा गरेकी छिन्। मुख्यमन्त्री ममता ब्यानर्जीले ‘एक्स’मा लेखेकी छिन्, ‘ओडिशाको जाजपुर जिल्लामा हिजो राति भएको दुःखद बस दुर्घटनामा धेरै यात्रुको मृत्यु र घाइतेको बारेमा थाहा पाएर दुःखी छु। पश्चिम बंगाल प्रशासन शुरुदेखि नै उद्धार र राहतमा जुटेको छ। बस हाम्रो राज्यमा गइरहेको थियो, र केही मृतक र धेरै घाइतेहरू हमारा थिए।‘ उनले भनिन्, ‘मृतक र घाइतेका परिवारलाई नियमानुसार क्षतिपूर्ति दिइनेछ। राज्य प्रशासन, पश्चिम मेदिनीपुर र पूर्वी मेदिनीपुर जिल्लाका अधिकारीहरू राहत सहयोगमा पूर्ण रूपमा संलग्न छन्। पूर्व मेदिनीपुरका मेरा पीडित दाजुभाई तथा दिदीबहिनीहरूसँग ऐक्यबद्धता व्यक्त गर्दछु।‘