काेलकाता: चुनाउ प्रक्रिया अवधि एजेन्सीहरूद्वारा विमान अनि हेलिकप्टरहरूको अचानक निरीक्षण गरिनु स्थायी निर्देशको एउटा पाटो हो। सो जानकारी निर्वाचन आयोगको सूत्रले दिएको हो।

सूत्रले यो जानकारी पश्चिम बंगालमा तृणमूल कंग्रेस नेता अभिषेक ब्यनर्जीको हेलिकप्टर जाँचको परिप्रेक्ष्यमा दिएको हो।

बयानमा चुनाउ कार्यक्रमको घोषणा गर्दा मुख्य निर्वाचन आयुक्त राजीव कुमारका टिप्पणीहरूको पनि उल्लेख गरिएको छ। कुमारले आयकर विभाग, हवाईअड्डाका अधिकारीगण तथा सम्बन्धित जिल्लाहरूका पुलिस अधीक्षकहरूद्वारा गरिने विशेष विमान एवं हेलिकप्टरको निगरानी अनि निरीक्षणमाथि नगर विमान सुरक्षा ब्यूरो (बीसीएएस)-का निर्देशहरूलाई कठोर रूपमा अनुपालन गर्नेमाथि बल दिएका थिए।

बयानमा भनिएको छ, ”समीक्षा अवधि आयोगले सदैव यस कुरामाथि बल दियो कि परिवहनका सबै साधनहरूमाथि बहुआयामी निगरानी राखिनेछ। सड़क परिवहनको लागि जाँच चौकी र नाका, तटीय मार्गहरूको लागि तटरक्षक बल, जिल्लाधिकारी एवं पुलिस अधीक्षकसँगसँगै सम्बन्धित एजेन्सी हवाई परिवहनमा प्रयोग गरिएको विशेष विमान अनि हेलिकप्टरहरूको जाँचसितै सम्बन्धित एजेन्सी सामेल हुनेछ।”