डेनमार्कको कोपनहेगनमा रहेको एउटा ऐतिहासिक भवनमा आगलागी भएको छ। कोपेनहेगनको मध्यभागमा रहेको डेनमार्कको पुरानो स्टक एक्सचेन्ज भवनमा आगलागी हुँदा ठूलो क्षति भएको छ। धेरै वर्षअघि स्टक एक्सचेन्जको कारोबार पनि हुने गरेको उक्त भवनमा हाल डेनिस च्याम्बर अफ कमर्स थियो। १७औं शताब्दीको बोर्सन शहरको सबैभन्दा पुरानो भवनहरू मध्ये एक हो। घटनामा भवन ध्वस्त भएको अन्तर्राष्ट्रिय संचारमाध्यमहरुले जनाएका छन्। घटनामा मानवीय क्षति भने भएको छैन। भित्र रहेका सबै जना भवन बाहिर निस्किन सकेकाले मानवीय क्षति नभए पनि डेनमार्कको ४०० वर्षको सांस्कृतिक सम्पदा आगोमा जलेको संस्कृति मन्त्री ज्याकोब एङ्गेल–स्मिटले बताएका छन्।
भवनमा रहेको पुरानो स्टक एक्सचेन्जको जीर्णोद्धार भइरहेको थियो। भवनका उक्त भाग मचान र सुरक्षात्मक प्लास्टिकको आवरणले छोपिएको थियो। स्थानीय शिल्पकार हेनरिक ग्रेजले डेनिस टीसँग यो दुःखद दिन भएको बताएका छन्। ‘यो हाम्रो नोट्रे–डेम हो,’उनले लगभग पाँच वर्षअघि पेरिसको मध्यभागमा रहेको क्याथेड्रलको छाना र छानामा लागेको आगोसँग तुलना गर्दै भने। पेरिसको आगलागी नोट्रे–डेमको छेउमा १५ अप्रेल २०१९ मा फैलिएको थियो, जब यसलाई व्यापक नवीकरण गर्न मचानमा ढाकिएको थियो। अन्वेषकहरूले बिजुलीको सर्ट सर्किट वा कामदारको चुरोटको ठुटोबाट आगो लागेको हुनसक्ने शंका गरेका छन्।