बेंगलुरु: आईपीएल २०२४-मा एकपछि अर्को हाई भोल्टेज म्याचहरू भइरहेको छ, जसको क्रिकेटप्रेमीहरूलाई भरपूर आनन्द लिइरहेका छन्। यस कुराको अन्दाज यसबाट पनि लगाउन सकिन्छ कि आईपीएल इतिहासको तीनवटा सर्वोच्च स्कोर यसै सीजनमा बनिएको छ। सोमवार राति रोयल च्यालेञ्जर्स बेंगलुरु (आरसीबी) र सनराइजर्स हैदाबादबीच खेलिएको म्याचमा पनि छक्का र चौकाको साथमा एम चिन्नास्वामी स्टेडियममा रेकर्डहरूको पनि वर्षा भयो। म्याचमा सनराइजर्सले पहिला ब्याटिंग गर्दै धेरै रेकर्ड बनायो भने आरसीबी-ले पनि लड़ाकू प्रदर्शन गर्दा एकाधिक रेकर्ड बनियो। यस म्याचमा बनिएका केही रेकर्डहरूः
आरसीबी र सनराइजर्सबीच म्याचमा जम्मा ३८ वटा छक्का लगाइयो, जुन कुनै एउटा टी२० म्याचमा संयुक्त रूपले सर्वाधिक हो। सोमवार सनराइजर्सको तर्फबाट २२ र आरसीबी-बाट १६ वटा छक्का लगाइयो। आईपीएलको यस सीजनमै सनराइजर्स र मुम्बई इण्डियन्सबीच म्याचमा पनि ३८ वटा छक्का लगाइएको थियो। यसरी बल्ख लीजेण्ड्स र काबुल ज्वान (२०१८)-बीच खेलिएको म्याच अनि जमैका तलवाज र सेण्ट किट्स एण्ड नेविस पेट्रियोट्सबीच खेलिएको म्याचमा ३७-३७ वटा छक्का लगाइएको थियो। यसबाहेक सनराइजर्सले सोमवार राति लगाएको २२ वटा छक्का आईपीएलको कुनै एउटा ईनिंग्समा लगाइएको सर्वाधिक छक्का हो। यस सूचीमा दोस्रो स्थानमा आरसीबी रहेको छ, जसले २०१३-मा पुणे वरियर्स विरुद्ध २१ वटा छक्का लगाएको थियो।
सनराइजर्स र आरसीबी-बीच म्याचमा जम्मा ८१ वटा बाउण्ड्रीज (चौका र छक्का) दर्ता गरियो। यसमा ४३ वटा चौका र ३८ वटा छक्का सामेल थियो। यो टी२० इतिहासमा कुनै एउटा म्याचमा लगाइएको संयुक्त रूपले सर्वाधिक बाउण्ड्रीज हो। गत वर्ष सेञ्चुरियनमा दक्षिण अफ्रिका र वेष्ट इण्डिजबीच खेलिएको म्याचमा पनि ८१ वटा बाउण्ड्रीज लगाइएको थियो। यसरी मुल्तान सुल्तान्स र क्वेटा ग्लेडिएटर्सबीच २०२३-मा खेलिएको पाकिस्तान सुपर लीगको म्याचमा ७८ वटा बाउण्ड्रीज लगाइएको थियो।
सनराइजर्स र आरसीबी विरुद्ध म्याचमा दुई ईनिंग्स मिलाएर ४० ओभरमा जम्मा ५४९ रन बनियो, जुन टी२० क्रिकेटमा नयाँ रेकर्ड हो। आईपीएलको यस सीजनमै सनराइजर्स र मुम्बई इण्डियन्सबीच म्याचमा ५२३ रन बनिएको थियो। तेस्रो स्थानमा दक्षिण अफ्रिका र वेष्ट इण्डिजबीच म्याच रहेको छ, जसमा ५१७ रन बनिएको थियो।
एम चिन्नास्वामी स्टेडियममा सनराइजर्सले बनाएको तीन विकेटमा २८७ रन आईपीएल इतिहासको सर्वोच्च स्कोर हो। यस मामिलामा टीमले केही दिन अघि बनाएको आफ्नै रेकर्ड तोड़्यो। सनराइजर्सले मुम्बई इण्डियन्स विरुद्ध ३ विकेटमा २७७ रन बनाएको थियो। कलकत्ता नाइट राइडर्सले पनि केही दिन अघि दिल्ली क्यापिटल्स विरुद्ध ७ विकेटमा २७२ रन बनाएको थियो, जुन आईपीएल इतिहासमा तेस्रो सर्वाधिक स्कोर हो। समग्रमा टी२० क्रिकेटमा सर्वाधिक स्कोरको रेकर्ड नेपालको नाममा रहेको छ, जसले गत वर्ष एशियन गेम्समा मंगोलिया विरुद्ध ३ विकेटमा ३१४ रन बनाएको थियो।