म्यूनिख: बायेर लिवरकुसेन जर्मनीको बुन्देसलीगा फूटबल प्रतियोगितामा ५ वटा म्याच बाँकी रहँदै च्याम्पियन बन्यो। आइतवार राति वेर्डेर ब्रेमेन विरुद्ध ५-०-ले म्याच जित्नको साथै बायेर लिवरकुसेनले १२० सालको इतिहासमा पहिलोपल्ट बुन्देसलीगा खिताब जित्यो। प्रशिक्षक जाभी अलोन्सोको मार्गदर्शनमा टीमले यस सीजनमा असाधारण प्रदर्शन गरेको छ अनि सबै प्रतियोगिताहरू मिलाएर ४२ वटा म्याचमा अजेय रहेको छ। जाभी अलोन्सोलाई अक्टोबर २०२२-मा मुख्य प्रशिक्षक नियुक्त गरिँदा टीम रेलिगेशनको नजिक पुगिसकेको थियो तर पद सम्हालेको १८ महिना पछि उनले असाधारण काम गर्दै बायेर लिवरकुसेनलाई यस सीजनमा लीग च्याम्पियन बनाए। वेर्डेर विरुद्ध म्याचमा बायेर लिवरकुसेनबाट फ्लोरिएन विर्ट्जले ह्याट्रिक गरे। यस जीतपछि बायेर लिवरकुसेनको २९ वटा म्याचमा ७९ पोइण्ट्स पुग्यो। अहिले उनीहरूसँग दोस्रो स्थानमा रहने बायर्न म्यूनिखभन्दा १६ पोइण्ट्स अधिक रहेको छ।