रियाद: अब साउदी अरबमा  विश्वको सबैभन्दा अग्लो क्लक टावर बनिनेछ। गत हप्ता साउदी अरेबियाले एक कार्यक्रममा यो परियोजना शुरु गरेको छ, जसको नाम एटरनिटास टावर राखिएको छ। यसको निर्माण कार्य जारी रहेको र सन् २०२७ मा विश्वका लागि खुला गर्ने लक्ष्य राखिएको छ। यो टावर खुलेपछि साउदी अरबको इतिहासमा अर्को उपलब्धि थपिनेछ र यो विश्वको दोस्रो सबैभन्दा अग्लो भवन मरिना १०१ भन्दा २५ मिटर अग्लो हुनेछ। मरीना को उचाई ४२५ मिटर छ। मिडिया रिपोर्टका अनुसार लन्डन गेटका मिडिया को–अर्डिनेटर टम हिलले भने कि स्विस लक्जरी घडी निर्माता फ्रान्क मुलरले उनीहरूसँगको सहकार्यमा निर्माण गरिरहेको एटरनिटास टावर एक आवासीय भवन हुनेछ, जुन चार गुणा अग्लो हुनेछ। लण्डनको बिग बेन भन्दा अग्लो यो भवन, यी दुईबीच २२ मिटर (७२ फीट) को दूरी छ। यो टावर अमेरिकाको एम्पायर स्टेट बिल्डिङभन्दा ७० मिटर अग्लो हुनेछ। यसको उचाइका कारण यस टावरमा जडान गरिएको घडी ६ किलोमिटर टाढाबाट देखिनेछ। यो घडी ४० मिटर (१३१ फिट) लामो र ३० मिटर (९८ फिट) चौडा हुनेछ।