पाकिम: देश स्वतन्त्र भएको ७५औं वर्ष मनाउन र कोविड १९ रोकथामका लागि आज पारखा बीएसीमा कोविडको बूस्टर डोज टीकाकरण सम्पन्न गरियो। यस अवसरमा पारखा बीएसीका कर्मचारीहरू र छेउछाउका गाउॅंका १८ देखि माथि उमेर पुगेका योग्य लाभार्थीहरूले बूस्टर डोज लगाए।

टीकाकरण बीएसी पारखा र माछोङ पीएचसीको समन्वयमा आयोजन गरिएको थियो। आज कूल ३१० जनाले पंजीकरण गरेका थिए भने २२२ जनाले टीका लगाएको बताइएको छ।