कोचबिहार: कोचबिहारको पाँच तालतला क्षेत्रमा एक आमाले आफ्नी ४ वर्षीया छोरीको हत्या गरी आत्महत्या गरेकी छन्। बुधबार बिहान भएको यो घटनाले क्षेत्रमा सनसनी फैलिएको छ। स्रोतका अनुसार सोमा सरकारले आफ्नी ४ वर्षीया छोरी सायन्तिका सरकारलाई शुरुमा सिरानीले थिचेर हत्या गरिन्। बुधबार बिहान घटना बाहिर आएपछि पुलिसलाई खबर गरिएको थियो। खबर पाएर पुलिसले घटनास्थलमा पुगेर आमा छोरीको लाश निकालेको थियो। पुलिसले घटनास्थलबाट सुसाइड नोट पनि बरामद गरेको छ। मृतकका श्रीमान माणिक सरकार घरमा बस्दैनन्। मानसिक डिप्रेसनका कारण यो घटना भएको पुलिसको प्रारम्भिक अनुमान छ। पुलिसले सम्पूर्ण घटनाको अनुसन्धान गरिरहेको छ।