नयाँ दिल्ली: भारतकी शीर्ष एथलीट ऐश्वर्या मिश्राकी एशियन च्याम्पियनशीप २०२३-को ४०० मीटर स्पर्धाको काँस्य पदक अब रजत पदकमा ब‌द्लिनेछ कारण यस स्पर्धामा शुरुवातमा दोस्रो स्थानमा रहने उज्बेकिस्तानकी फरीदा सोलियेवा डोप परीक्षणमा विफल रहेकी छन्। गत वर्ष थाईल्याण्डको ब्यांककमा भएको एशियन एथलेटिक्स च्याम्पियनशीपको अवधि १३ जुलाईमा लिइएको सोलियेवाकी मूत्र नमूनामा प्रतिबन्धित पदार्थ मेल्डोनियम पाइएको थियो अनि डोपिंगसँग सम्बन्धित अन्तर्राष्ट्रिय महासंघको एकाई एथलेटिक्स इण्टिग्रिटी यूनिट (एआईयू)-ले त्यस तारिखदेखि उनकी सबै नतीजाहरूलाई अमान्य गरेको छ। दौड़मा सोलियेवा ५२.९५ सेकेण्डको समयसहित दोस्रो स्थानमा रहेकी थिइन् जबकि ऐश्वयाले ५३.०७ सेकेण्डको समयसहित तेस्रो स्थान हासिल गरेकी थिइन्। श्रीलंकाकी नदीषा रमानायकेले ५२.६१ सेकेण्डको समयसहित स्वर्ण पदक जितेकी थिइन्।