हुगली(पश्चिम बंगाल): भाजपाको हुगली लोकसभा सीटका उम्मेद्वार लकेट च्याटर्जीले सत्तारूढ टीएमसी समर्थकहरूलाई उनको गाडीमा आक्रमण गरेको आरोप लगाए। हुगली जिल्लाको बाँसबेरियामा काली पूजामा सहभागी भइरहेको बेला उक्त घटना भएको हो। उनले आफ्नो एक्स ह्यान्डलमा एउटा भिडियो साझा गरे जसमा कथित रूपमा स्थानीयहरू उनको गाडीको वरिपरि भेला भएका र यसको छतमा ठोक्किरहेको देखाइएको छ।

लोकसभामा नयाँ कार्यकाल खोज्ने भाजपा नेताले टीएमसीमाथि कडा हमला गर्दै ट्विटरमा पोस्ट गरिन्, ‘उनीहरूको दुस्साहसले हुगलीमा माफियाको पकड उजागर गर्दछ। आज तिनीहरूका ठगहरूले माँ पूजालाई अवरुद्ध गरे। मेरो तीर्थयात्रा अवरोध गर्ने साहस गरेl’ संचारमाध्यमसँग कुरा गर्दै उनले दाबी गर्दै भनिन् , ‘एक व्यक्तिले मलाई दुईपल्ट हिर्कायो अनि कारभित्र बस्ने कोशिश गरे। मेरो ड्राइभरले उसलाई धक्का दियो अनि दैलो बन्द गर्योl’ ‘जब मैले मानिसहरूलाई भेटे र देवी कालीको पूजा गरे, कालो झण्डा बोकेका केही व्यक्तिहरूले नारा लगाए। उनीहरूले मेरो कारलाई चारैतिरबाट धकेल्न थाले। सुरक्षाकर्मीहरूले उनीहरूलाई लगे। मैले फोनमा सम्पूर्ण घटना कैद गरेंl’