भुलेर अतीतको कथा वर्तमान बाँच्दैछु म
दुःखी छु तर पनि बाहिर बाहिर हाँस्दैछु म
कहिल्यै ताल र राग नमिल्ने जीवन पाइयो
आफै ताल मिलाउँदै भए पनि नाच्दैछु म
जिउँदो भन्ने भ्रम मात्र छ मरिसकेको कैले
आफू मरेको दिन गन्न औंलाहरु भाँच्दैछु म
हाँस्ने पालो आएन कहिल्यै यथार्थमा साथी
रुनै लेखेको रै‘छ भाग्यमा पीरहरु साँच्दैछु म
आत्मा मरे पनि शरीर मरेको जस्तो लाग्दैन
दोधारमा छु मरें कि मरिनँ भनी जाँच्दैछु मll
About Author
Post Views: 32