कोचबिहार: नटाबारी विधानसभा क्षेत्रका विधायक मिहिर गोस्वामीले निर्वाचन आयोगको दिशानिर्देश अनुसार विभिन्न क्षेत्रमा केन्द्रीय बलको रुट मार्च सञ्चालन नगरिएको गुनासो गरेका छन्। उनले आज बीजेपी पार्टी कार्यालयमा पत्रकार सम्मेलन गरी भने कि निर्वाचन आयुक्तको दिशानिर्देश अनुसार कोचबिहार लोकसभा निर्वाचन क्षेत्रको चुनाव अघि नै यस क्षेत्रमा केन्द्रीय बलको रोड मार्च गर्ने छ। तर ममता बनर्जीको प्रशासनले यस क्षेत्रमा अर्धसैनिक बलको मार्चको बारेमा कुनै कदम चालेको छैन। निर्वाचन आयोगले मतदाताको मनमा हिम्मत जगाउन चाहेको काम प्रशासनले गरेको छैन। उनले सीमा क्षेत्रमा घुसपैठ गर्नेलाई उत्तर बङ्गाल विकास मन्त्रीले सृजना गरेको आतंक रोक्न तुफानगञ्ज, मेखलीगञ्ज, सिताई शितलकुचीलगायत आसपासका क्षेत्रमा तत्कालै अर्धसैनिक बल सक्रिय हुनुपर्ने बताए।