चटगाउँ (बंग्लादेश): श्रीलंकाका अनुभवी ब्याटर दिनेश चाण्डीमल पारिवारिक चिकित्सीय आपात स्थितिले गर्दा बंग्लादेश विरुद्ध जारी दोस्रो टेस्ट म्याचको चौथो दिन स्वदेश फर्किनु पऱ्यो। चाण्डीमलले म्याचको पहिलो ईनिंग्समा अर्द्धशतक बनाएका थिए जबकि दोस्रो ईनिंग्समा केवल ९ रन बनाएर आउट भए। श्रीलंका क्रिकेट (एसएलसी)-ले आफ्नो बयानमा भनेको छ, उनी तत्काल प्रभावको साथ घर फर्किएका छन्। यस संकटको समयमा श्रीलंका क्रिकेट, साथी खेलाड़ीहरू र सपोर्टिंग स्टाफहरू चाण्डीमलको साथमा रहेको छ। हामी मानिसहरूसँग उनका परिवारको निजताको सम्मान गर्ने आग्रह गछौं। मंगलवार टेस्ट म्याचको चौथो दिन श्रीलंकाले ७ विकेटमा १५७ रन बनाएर ईनिंग्स घोषित गऱ्यो। यसैकारण बंग्लादेशलाई जीतको निम्ति ५११ रन बनाउने लगभग असम्भव लक्ष्य प्राप्त भयो। बंग्लादेशले चौथो दिनको खेल समाप्त हुँदासम्म आफ्नो दोस्रो ईनिंग्समा ७ विकेट गुमाएर २६८ रन बनायो। यसरी आयोजक टीम हारको संघारमा पुगिसकेको छ।