सिलगढी: दार्जिलिङ लोकसभा सिटका तृणमूल कांग्रेसका उम्मेदवार गोपाल लामाको समर्थनमा दार्जिलिङ जिल्ला तृणमूल विद्यार्थी परिषद्ले मंगलबार गोर्खा भवन दार्जिलिङ मोरमा बैठक आयोजना गरेको छ। बैठकमा तृणमूलका सबै वरिष्ठ नेताहरू उपस्थित हुने दार्जिलिङ जिल्ला सम्ताल तृणमूल कांग्रेसका अध्यक्ष पापिया घोषले बताए। यसअघि आज दार्जिलिङ लोकसभा सिटका तृणमूल कांग्रेसका उम्मेदवार गोपालले आनन्दमयी काली मन्दिरमा पूजा–आराधना गरेर प्रचार प्रसार गरेका थिए। उनले जनतालाई भेटेर तृणमूललाई जित्न आह्वान गरे।