कोचबिहार: कोचबिहारको सिताई ब्रह्मोत्तरा चतराको सिंगिमारी क्षेत्रमा छोरालाई आफ्नै बुवाले निर्मम कुटपिट गरी हत्या गरेका छन्। घटनाले क्षेत्रमा सनसनी फैलाएको छ। मृतकको नाम रामकृष्ण रविदास रहेको छ। आरोपित बाबुको नाम चन्द्रदेव रविदास हो। स्थानीय स्रोतका अनुसार चन्द्रदेव रविदासका पाँच छोरा छन्। सबैजना फरक छन्, तर रामकृष्ण आफ्नो बुबासँग बस्थे। त्यसपछि आज बिहान छोराको रगतले लतपतिएको लाश भेटिएको हो। जग्गाको विषयमा बाबु–छोराबीच कहिलेकाहीँ विवाद हुने गरेको बताइएको छ। जग्गा विवादमा हत्या भएको हुन सक्ने पुलिसको प्रारम्भिक अनुमान छ। तर, हत्याको कारण भने परिवारका सदस्यलाई थाहा छैन। घटनाको जानकारी पाएलगत्तै घटनास्थलमा पुगेको सिताई पुलिस थानाले लाशलाई बरामद गरी पोष्टमार्टमका लागि माथाभाङ्गा अस्पताल पठाएको छ। घटनामा संलग्न बाबुलाई पुलिसले नियन्त्रणमा लिएको छ। पुलिसले सम्पूर्ण विषयमा अनुसन्धान गरिरहेको छ।